De vrogge dagen van 't Hok.
Vrogger toen Kelly uut Big Brother nog Karel heitten, toen de bollen nog met holten kogels schot, toen Oma nog een strak velletjen had, toen de koeien nog harde köttels scheiten,toen de hazen en keniens nog nummerplaten hadden en toen Jezus nog Herman heitten, begonnen een paar snotterige keerltjes met het bouwen van een Hok. In het Hok zouden die buultjes zich dan in hun vri'jen tied motten goan vermaken. Ze gingen er zelfs biertjes drinken. Joa dat heb i'j goed elezen heur; Bier drinken! Schandalig wa?
Ut begon allemoal op een zekeren zommerdag an ut ende van Juli. D'n Strøper (Guus), d'n Kartoffel (Bas) en de Meubelboer (Jeroen) gingen noar de Slingeplas bi'j Bredevoort hen zwemmen. Mwa zwemmen? Deerntjes kieken is bêter e'zegd. Ze hadden best wel schik e'had. Op de rückfahrt kump dan den Meubelboer toch an ut prêken: Joa, ze zollen moar es een kere noar een Hok motten goan kieken. D'r wassen al meerdere jongensgruupskes die in een één of ander gebouw zaten. Die keerltjes hadden met elkare afesprokken dat ze zollen kieken noar vri'jstoande olde schuurkes en andere pröttel. Zo gezegd zo gedoan.
De volgenden dag goat dezelfde dri'j jungskes weer hen zwemmen. De Meubelboer was zich ziene zwempröttel an't inpakken tutdat dr op ens de albino van de Melle (Marcel) belt en vrög wat Jeroentjen geet doen. "Ik goa hen zwemmen met Guus en Bas" antwoorden Jeroen. De Melle vroeg offe met zou möggen en dat mogge natuurlijk. Dus ze komt bi'j mekare den middag en fietst noar de Slingeplas heer. Den Meubelboer begon tegen Strøper en Kartoffel toch weer is duftig te lullen, want hi'j had misschien al wat op ut oge. De Melle vroeg drek an de Meubelboer woar ze het over hadden, de Meubelboer legt um dat is helemoal goed uut. De Meubelboer en de Melle, die bi'j elkare in de klasse zaten, kwammen over niks anders an't proaten as oaver een schure of hok. 'Joa" zeg Marcel 'mien vader zei laatst dat as ik ook met een stel jongens in een hok wol zitten dat den van ons doar wel vri'j veur was." Bi'j de Slingeplas angekommen geet dat tuig, moar weer is wieter fantaseren. An ut end van den middag sprêekt ze af de volgenden dag bi'j Mellendiek te kommen en is te goan kieken.
De volgenden dag bi'j Mellendiek bunt ze al gauw uut gekekken, ze bunt al an't brêken an. Inmiddels is Beernd (Mark) met Kartoffel en Strøper met ekommen um ook deze zooi is te anschouwen. Veur dat ze ut wet steet Willem (bigmaster of hauskerl des hauses van de Melle) al met de angeslingerde knetterbiele ut plafond van 't Hok d'r uut te rossen. De keerltjes ziet dit allemoal met een big smile op de bek toe. Ze vind ut prachtig. De jongens goat de kommende paar dagen samen met Willem nog hard wieter an 't Hok.
De zoaterdag d'r noa goat Kartoffel en de Meubelboer (noadat ze bi'j Beernd hebt ezêten) nog effen noar I'varca heer om doar Remco (onzen Face) te vroagen offe met wol doen met 't Hok. Dat zag dat Dinxperse jungsken wel zitten en ook hi'j dei met.
De dagen die doar op volgden bestonden uut prutsen, bier zoepen en kaarten bi'j 't Hok. Intussen had Willem zich al een bouwplan in ut huufd zitten, woar zelfs Hannibal van The A-Team niet tegen op kon. Dat mos zo en zo en dat weer zo en dat weer net iets anders... Kortum ut zou een prachtigen tempel worden, woar ut bier vloeit zoals de wien vloeit in d'n hemel bi'j God en zien kameröde of zoals ut bloed rijkelijk vloeit over de stroaten van Palestina en Israël.
Noarmoate de wêken vorderden en 't Hok betjen bi'j betjen meer op Versaille ging lieken, werd de band in de groep nog bêter. D'r ondstond broederschap. I'j zol soms hoast denken dat ut een klooster of een moskee werd. D´r wier niet altied êven hard ewerkt deur de jongens, moar d´r was schik en dat was ut belangrijkste veur ze. De jongens kregen van andere bevriende vriendengroepen adviezen hoe ze dingen ut beste zouden können doen. Doordeur kregen ze zelf nog veule meer ideeën. Ze gingen bi´j de Melle in de woonkamer zitt´n en kwammen an ut tekenen hoe ut d´r uut zal motten goan zien. D´r zol en mos een bar inkommen, wieters wat bankstellen en stuule, een toafel, een tv, een cd spöller met een aantal boxen en een plee. Dat letste was niet zo´n probleem, want den zat d´r nog. Ze gooiden met z´n allen wat geld in de zo geheitten beginnerspot, um doar de eerste pröttel van te goan kopen.
Inmiddels ging de bouw gewoon wieter. Ze sprokkelden allemoal wat van hun vri´jen tied af um wat te kunnen doen. Dag noa dag begon ut d´r al een bet´jen meer op te lieken. De bouw ging niet zo verdomde snel, want Wim en de jongens wollen ut goed dicht hebben zitten en het mos een veilig hok wêzen. Noa lang arbeidden kon d´r dan endelijk esauced worden. De Melle bleek doar een ster in te wêzen. Intussen hadd´n ze zich al heel wat rotzooi veur in ´t Hok bi´j elkaar gespoart en gekocht. Ze wollen een soort kroeg sfeer kriegen en dus gingen ze doarum allemoal verschillende bierfleskes spoaren um op ´t schap te zetten. Ze deden dat ook met bierpullen en bierglazen. Sterke dranken mochten natuurlijk `niet in de collectie ontbrêken.
Gerard (nêef van de Melle) had in ´t Hok de kabels veur de stoom elegd en nog veul meer, moar ook Luc was een goeien hulp bi´j ´t Hok en hi´j bracht ook nog goeien sfeer met.
De jongens hadden met Wim besprokken dat ze in de herfstvakantie de letste kleine dingen kloaremaakt zollen worden. Dat gebeurde ook en toen mosten d´r nog echte bierglazen kommen um ook nog uut te zoep´n. Ze gingen dus noar de Grolsch in Grolle um doar wat glazen, pullen, bieropeners, vlaggen, theeduuke, en nog veul meer te bestellen.
Op 25 oktober was ut dan endelijk zowiet. Noa dri´j moanden hard warken en prutsen was ´t Hok van binnen kloar. Van een olde schure woar bollen in hebt estoan en woar later een hondenhok hef ezêten met een ganzenhok, noar een prachtig bierpaleis.